خواطر ....هل هى حقيقة ؟لو كانت كذلك....ياولينا

اقولكم على حاجه محبطه شوية ...وحاسس بيها قوى جوايا ....قعدت شوية افكر واسترجع الماضى...لقيت ان احنا مصريين مزدوجى الشخصية..فى كل الحالات بنحب الكلام قوى وبنكره الفعل قوى قوى.... بنموت فى الهيصه والدوشة والحوارات والتحليلات والتفاهات وفى الاخر بعد كل الحوارات دى بنلاقى نفسنا على ولا حاجه ....فى وقت الامن والسلم بتظهر جذورنا الفرعونية بنتخانق مع بعض والكل بيتكلم فى وقت واحد ومحدش بيسمع حد ولو حد قال رأى يخالف رأى المتكلم يبقى عدو .....ليس عندنا اى منهجية لطريقة الحوار...كل واحد بيقفل دماغه ورايه على ما هو عليه ولا مجال او طريق لاحد ان يقول رايه طالما هذا الرأى سوف يتعارض مع راي من يتكلم......وبنتوووووه...وبننجرف ورا اى حاجة ونسخن عليها ونبعد عن اى هدف اصلى هو محور التشاور لفرعيات تتشعب وتجرفنا بعيدا بعيدا عن هدفنا الاصلى وفى النهاية لا نصل الى اى نتائج هدافة ولاننا نفقد الطريقة المحترمة الهدافة للحوار السلمى يكسب الفرعون الاعلى والاقوى ايا ما كان....ويبقى الوضع على ما هو عليه...والدليل على ذلك طوووول فترة حكم حسنى مبارك المخلوع رغم انها كانت فترة اعتبرها فترة حرية رأى ....اللى عايز يقول يقول....اعترضوا...قولوا .....ثوروا....احنا عارفينكم كويس ( ده لسان مبارك واتباعه ) ...هاتجعجعوا وتنزلوا على فاشوش.....مافيش فايدة ....فعلا ده كان حال مصر قبل نهاية حكم مبارك ...بس مع تزايد رغبات وقهر ومطالب ومع تخطيطات واهداف اصلاحية تجمع الشعب واصبح هدفه هو هدف واحد......اخيرا وجد له عدو...بعد ان اصبح حسنى مبارك والافعال التى حدثت تجاه الثورة التى تريد التغيير ...وهذا هو كان هدفها الاصلى...التغيير والاصلاح وتغيير مسار الدولة ومنهجها ..وبعد غباء مبارك ونظامه واعوانه فى استمرار تفكيرهم على انه لن يحدث شئ ....انسى...موقعة الجمل...وخلافه...اصبح الشعب نسيج واحد....اتحد فعلا......ثوار .بلطجية.اغنياء.فقراء.مسلمين.مسيحيين ........وحصل.........سقط النظام وقتها.....ليه...لان كان لينا عدو وكسبناه وفزنا عليه....والعالم كله شهد لينا وفرحنا بالثورة وقولنا مصر هاتجيب امريكا الارض وهاتلم العرب تانى وهنعيش حياتنا اللى تحسسنا اننا مصريين زى ما احنا عايزين ... وهنبقى عرب زى ما احنا عايزين وزى ما جيراننا العرب عايزينا نكون علشان يبقوا معانا ...وابتدينا نرفع راسنا لفوق قوى ...وابدى الاعداء يخافوا فعلا ويصرحوا تصريحات فعلا تعبر عن خوفهم من قومتنا ونهضتنا .......ااااااااااااااااه......وبعدين.....جه وقت الترتيب .....وده وقت سلام وهدنة...اوعوا تنسوا.....فظهرت تانى وبشدة وضراوة .....اصولنا الفرعونية......شتات...حوارات...كل واحد ماعندوش استعداد يسمع التانى....انا الصح ...وانت ولا ليك لزمة....مش رايك ضدى ؟ تبقى عدوى ....طب نتحاور ...لا....نتشاور...لا...انا وانا ورايى والتحرير والميدان .......وللاسف اصبح ميدان التحرير فى صداع .....اصبح ميدان التحرير مش فاهم حاجه ...كل اللى ينزل فيه يقول الشعب يريد ..الشعب يريد الاسلاميين..الشعب يريد حكم العسكر..الشعب والجيش ايد واحدة...الشعب يريد اسقاط حكم العسكر....الشعب يريددددددددددددددددددد......صداع صداع.......من هو الشعب...هل هو من يستطيع البقاء بميدان التحرير...هل من له اصحاب اكثر ....هل هو من يستطيع الهتاف وتجنيد الناس حوله؟...............هل هو من له هدف حقيقى ليهدم مصر ؟....هل هو من له هدف حقيقى ويحب مصر ؟.....هلى هو من يؤمن بالله حقا ويريد تحقيق تعاليم دينه ؟؟؟؟؟هل هو يركب موجة معينة لهدف معين ....الجميع يقول ...الشعب يريد...........
لماذا هذا...فى رايى...لان الحوار متروك لنا...وطالما ان الحوار متروك لنا ...فواقعى ان يصبح هذا هو الوضع...لاننا نلجأ الى اصولنا الفرعونية فى هذه المرحلة ....الفرعون الاكبر يكسب...ليس هناك قواعد..ليس هناك اصول .ليس هناك اصول ثابته...اصول قادمة من جهة اعلى من انسانيتنا ...اصول ربانية......دييين...قواعد ثابته لا جدال فيها ...ثوابت...واقول هذا لاننا افقر من ان نضع ثوابت اقوى من ثوابت الاهية...لن نستطيع الصمود مهما كان ثبوت فكرنا تجاه افكار الاهية . افكار مصدرها الاه...الاه مسلمين او الاه مسيحيين...هو واحد ...لا اله الا هو..وجميعنا نتبعه مع تصحيح العقائد .

ماشى ...مش وقت جدال بعيد عن موضوعنا...طيب ...وبعدين ؟

تفتكروا ايه اللى ممكن يوحدنا تانى ؟؟؟؟؟؟؟؟؟؟؟؟؟؟؟

فى اعتقادى حاجة من اتنين .....

الاولى قاسية اوى......وهيه ايه ؟

....اننا مطمع ...وضعاااف قوى دلوقتى...مش هاننكر .... والجيش عايش فى السياسة وفرحان بده قوى ...ولو خد على قفاه وحد تعدى على الحدود او فرض وصاية دكتاتورية زى ما حصل فى كتير من شعوبنا العربية هايراجع نفسه ...مش لعودة العقلانية له ...لا...بس لانه اول واحد هايكون فى المواجهة... واول واحد هايتنفخ من ده لو حصل.....ده بخصوص الجيش ..طب احنا ..الشعب...هايكوون ايه وضعنا ..الطوائف...الملسمين..المسيحيين...الكتلة...الوسط...السلفيين...الليبراليين..عم عباس ...الاستاذ على..الاخ محسن ...القمص بيشوى ...والله العظيم...........والله العظيم ..........كله هاينسى هوه مين وهاترجع شعارات ..الجيش والشعب ايد واحدة...مسلم مسيحى انت مصرى ...مصر هى امى ...وفعلا فى لحظة هانكون ايد واحدة ...بجد ايد واحدة...وعارف ومؤمن انها هاتكون ايد قوية ...بس امتى...بعد ما دخل جوانا فيروس ...والله اعلم هانقدر عليه ولا لأ ...فاكرين وقت ماتش مصر واخواننا الجزائريين والملابسات التى حدثت وقتها ...حاجه هايفه ....كوره...مش مستقبل وحياة ...لا وايه ..مع اخوان لينا ...وتوحدنا وكان غل رهيب من الطرفين...والحمد لله ربنا عداها على خير وماحصلتش فتنة مع قطر شقيق  ...طب لو مع عدو مش اخ ومن لحمنا ودمنا ...اتجمعنا لاننا حسينا بحاجه ضدنا من برانا وحسينا اننا اتظلمنا من اخ لينا..وما ميزناش ساعتها ......بس توحدنا ..كان توحد خاطئ ضد اخ ..بس ده اللى حصل وربنا يغفر لينا..بس لو كان ضد عدو مش اخ اختلف معه فى الراى ..اعتقد انه هايبقى مختلف ...وكان هايبقى اقسى كتير ...وكنا هانفرط اكتر ميت مليون مرة فى اى مشاحنات داخلية وهاننسا اى حاجة ...مش وقته..فى حاجه اهم....عندنا عدو...بعدين بعدين اى مهاترات...بس نهزم عدونا الاول ....واللله انا عارف ان دى روح كل مصر ايا ما كان ومؤمن بيها وادعو الله ان لا تخلف ظنى .

الرأى الثانى محبط..............ليه محبط ؟ ....لانه ممكن يرجعنا لفرعونيتنا ويبقى الوضع على ما هو عليه ...هذا الرأى اساسه هو العقل واحتكام ما هو رأى الاغلبية ....فلنحكم عقولنا وضمائرنا ودياناتنا مسلم ومسيحى سلفى واخوان اشتراكى او ليبرالى .............كل واحد له رأى..بس لو الاغلبية رافضه رأيك وحابه رأى تانى ....مع احترامى ليك ...اسكت....انت اضعف ورايك مش مقنع ...لازم...لازم تستجيب لرأى الاغلبية اللى انت عايش وسطها واكيد اللى اختاروها هما اغلبية شعب المنطقة دى ...من حقك انك تفضل مؤمن برايك وحاول تجند وتخلى ناس يؤمنوا بمنهجك ...بس بالسلم ..بعقل...بحكمة...بدون ثورات وبدون حقد ... ولو مش هاتقدر تتعايش مع الجو ده والاغلبية دى ....ومش قادر تسكت وولا قادر تجند من يقوى فكرك...فكر جديا فى انك تلجأ الى اى مكان تجد فيه فكرك بينفذ فى اى بقعة من بقاع الارض  حتى ترتاح واترك مصر لاهلها ولما ما هى اختارته بالاغلبية .

احنا عايزين نعيش هنا...عايزين كرامة....عايزين عزة...عايزين نبقى مصريين ( خير اجناد الارض )...عايزين نكون كبير اخوانا العرب زى ما اتعودوا اننا نكون ....عايزين ما نخافش ...عايزين نطمن على بيتنا وعلى عيالنا ...عايزين نشتغل ...عايزين نعبد ربنا ونطبق طقوس ديينا مسلم او مسيحى ...عايزين نكون بنى ادميييييين......عايزين نكون بنى ادميييييين......ومش شرط بالمرة ان السبيل لنكون بنى ادميين ....ان نكون همجيين...او بلطاجيه...او ان نحجر على رأى بنى ادم مثلى هدفه مثل هدفى ...ان يكون بنى ادم...حر

ايهما افضل ؟؟؟؟

ان نصبح كبار ونحتكم لعقولنا ونصبح اصحاب قرارنا لنتوحد ونجتمع لنفوز ؟؟؟؟؟؟؟؟؟؟؟؟؟؟؟

ام لياتى احد ليستهيننا وليضربنا على قفانا المعرى ليجبرنا على التوحد ؟؟؟؟؟

لكى الله يا مصر

اللهم احفظ مصر واحفظ اهلها واهديها لما فيه الخير والصواب ..اننا مشتتون..فاهدنا يارب العالمين ..الهم اجعل امرنا بيدينا لنكون الاصلح......اللهم لم شتاتتنا بايدينا سلميا ولا تجعلنا نجبر على ذلك قهرا ..ياررررب...ياررررب ...لم شتات الامة..الهم استجب وتقبل ..اننا ضعفاااااء وذنوبنا اثقل من ان نتحملها ...نستغيث برحمتك....ما لنا سواها....اهدنا..ووفقنا..وكن سندنا

حال مصر

مصر اصبحت مثل الام او الزوجة التى فى لحظة ما وجدت اولادها مجمتمعون ومعترضون على اوضاع الاب والبيت ونقص المصروف ومعاملة الاب السيئة ( والمقصود بالاب هو وضع الحكم وسياسته وليس حسنى مبارك منه لله ) ...وبعد عمل اجتماع عائلى تم الاتفاق على خطة لتصحيح اوضاع البيت .....وبعد البدء فى تنفيذ هذه الخطة...وجدت الام ان الاولاد يتنازعون ويختلفون على المنح التى سيحاول الاب تدبيرها لتصحيح وضع البيت ...والاسوأ انها وجدت احد الابناء يخفى ملابس ابيه ليمنعه من الخروج لعمله والاخر يتلف كمبيوتر ابيه الذى هو مورد رزقه .....وان الابن الثالث قد اتفق مع بعض معارفه الصيع لسرقة ابيه حين ياتى بالمنحة ...والبنت الوحيد ادعت المرض لنيل نصيب اكبر من المنحة التى ستاتى ....بالله عليكم ..ماذا يكون حال الام وحال البيت بهذا الوضع وكيف يمكن للاب ان ياتى بما اتفق عليه معهم لاسعادهم ....هل يلجأ للعنف معهم ويقوم الاوضاع ويقال عليه انه اب مفترى من وجهة نظر اولاده ...ام يرضخ لما يحدث و يضع يده على خده حرصا على اولاده ويقال عليه انه اب طرطور من وجهة نظر باقى العائلة والجيران .... ام يترك البيت فى مزيد من الانهيار ويدع اولاده يفعلوا ما يريدون طالما هم كذلك ؟؟؟ ماذا يفعل الاب والام فى هذه الحالة ؟؟؟